பெரம்பலூர் அருகே புதியதலைமுறை அறக்கட்டளை மற்றும் விக்டரி லயன்ஸ் சங்கம் சார்பில் நடைபெற்ற இலவச கண்பரிசோதணை முகாமில் 440 நபர்கள் கலந்து கொண்டனர்.
பெரம்பலூர் அருகே அரும்பாவூர் அரசுமேல்நிலைப்பள்ளி வளாகத்தில் புதியதலைமுறை அறக்கட்டளை மற்றும் பெரம்பலூர் விக்டரி லயன்ஸ் சங்கம் சார்பில் இலவச கண்பரிசோதணை முகாம் இன்று நடைபெற்றது. இதில் அரும்பாவூர், வெங்கலம், கிருஷ்ணாபுரம், தழுதாழை, தொண்டமாந்துறை,விஜயபுரம், மலையாள பட்டி உள்ளிட்ட பகுதிகளை சேர்ந்த 440-நபர்கள் கலந்து கொண்டனர்.
அவர்களுக்கு மதுரை அரவிந்த் கண்மருத்துவமனை மருத்துவர்கள் பரிசோதனை செய்தனர். மருந்து தேவைப்படுவர்களுக்கு மருந்துகளை வழங்குவதுடன், அறுவைசிகிச்சை தேவைப்படுபவர்கள் மேல்சிகிச்சைக்கு பரிந்துரைக்கப்பட்டும் வருகின்றனர். அதன்படி இன்று 141-பேர் அறுவைசிகிச்சைக்கு தேர்வு செய்யப்பட்டுள்ளதாக மருத்துவர்கள் தெரிவித்தனர்.