சென்னை: ஐயன்மேன் 5150 டிரையத்லான் போட்டியின் அறிமுக விழா சென்னை தேனாம்பேட்டையில் நேற்று நடைபெற்றது. இதில் பங்கேற்ற தமிழக துணை முதல்வர் உதயநிதி ஸ்டாலின் ‘ஐயன்மேன் 5150 டிரையத்லான் சென்னை’ போட்டி குறித்த அறிவிப்பை வெளியிட்டார்.
இந்த டிரையத்லான் போட்டி வரும் 2026-ம் ஆண்டு ஜனவரி 11-ம் தேதி கிழக்கு கடற்கரை சாலையில் உள்ள எம்ஜிஎம் பீச் ரிசார்ட்டில் நடைபெறுகிறது. டிரையத்லான் போட்டியானது 1.5 கிலோ மீட்டர் நீச்சல், 40 கிலோ மீட்டர் சைக்கிளிங், 10 கிலோ மீட்டர் ஓட்டம் ஆகியவற்றை உள்ளடக்கியதாகும். இந்த போட்டியை நடத்துவதற்காக தமிழக அரசு ரூ.3 கோடியை ஒதுக்கியுள்ளது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Tags:
Sports-games