20 லட்சம் வரை கடனாக பெற்று ஆன்லைனில் சூதாடி, மன உளைச்சலில் தூக்கிட்டு தற்கொலை செய்து கொண்ட ஒரு மருத்துவ பிரதிநிதி .
சூதாட்டத்தில் அடிக்கடி ஈடுபடுபவர்கள் தற்கொலை செய்துக்கொள்ளும் சம்பவம் அதிகரித்து வரும் நிலையில் அனைவரும் கவனமாக இருக்க வேண்டும்.
நேற்று மாடம்பாக்கத்தில் ஆன்லைன் சூதாட்டத்தில் ஈடுபட்ட நபர் ஒருவர் தற்கொலை செய்து கொண்டார்.
சென்னை, தாம்பரம் அடுத்த மாடம்பாக்கம் கணபதி காலனியில் வசித்து வருபவர் வினோத்குமார். இவருக்கு மனைவி மற்றும் இரண்டு மகன்கள் உள்ளனர்.
அந்த நபர் மருத்துவ பிரதிநிதியாக பணிபுரிந்து வந்தார், மேலும் அவர் ஆன்லைன் சூதாட்டத்திற்கு அடிமையானார். இதன் காரணமாக, அவர் ஆன்லைனில் சூதாடுவதற்காக ஆப்களில் சுமார் 20 லட்சம் வரை கடனாக பெற்று ஆன்லைனில் சூதாடி பணத்தை இழந்துள்ளார்.
ஆன்லைன் சூதாட்டத்தை நிறுத்துமாறு மனைவி கேட்டும் வினோத் குமாரால் தடுக்க முடியவில்லை. இந்நிலையில் மனைவி வீட்டில் இல்லாத நேரத்தில் தூக்குப்போட்டு தற்கொலை செய்து கொண்டார்.
மனைவி வேலை முடிந்து வீடு திரும்பியபோது, கணவர் கூரையில் தூக்கில் தொங்கியபடி கிடந்தார்.
கணவரை காப்பாற்றி ஆம்புலன்ஸ் வரவழைத்தபோது, அவர் ஏற்கனவே இறந்துவிட்டதாக தெரியவந்தது. இந்த சம்பவத்தால் அங்கிருந்தவர்கள் சோகத்தில் ஆழ்ந்தனர். என்பது குறித்து போலீசார் விசாரணை நடத்தி வருகின்றனர்.