வெலிங்டன்: ஆஸ்திரேலிய கிரிக்கெட் அணி நியூஸிலாந்தில் சுற்றுப்பயணம் செய்து விளையாடி வருகிறது. இரு அணிகள் இடையிலான 2 டெஸ்ட் போட்டிகள் கொண்ட தொடரின் முதல் ஆட்டம் வெலிங்டன் நகரில் உள்ள பேசின் ரிசர்வ் மைதானத்தில் இந்திய நேரப்படி அதிகாலை 3.30 மணிக்கு தொடங்குகியது. நியூஸிலாந்து மண்ணில் 8 ஆண்டுகளுக்குப் பின்னர் டெஸ்ட் போட்டியில் விளையாடுகிறது ஆஸ்திரேலிய அணி.
கடந்த 30 ஆண்டுகளில் இரு அணிகள் இடையே நடைபெற்ற 29 டெஸ்ட் போட்டிகளில் ஆஸ்திரேலியாவை ஒரே ஒரு முறை மட்டுமே தோற்கடித்துள்ளது நியூஸிலாந்து அணி. இம்முறை இந்த சோகங்களுக்கு நியூஸிலாந்து அணி முடிவு கட்டக்கூடும் என அந்நாட்டு ரசிகர்கள் எதிர்பார்த்துள்ளனர். ஐசிசி உலக டெஸ்ட் சாம்பியன்ஷிப் புள்ளிகள் பட்டியலில் நியூஸிலாந்து தற்போது முதலிடத்தில் உள்ளது. அதே வேளையில் நடப்பு சாம்பியனான ஆஸ்திரேலிய அணி 3-வது இடம் வகிக்கிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்