உலக கோப்பை தொடருக்கான 15 பேர் கொண்ட அணியை ஆஸ்திரேலியா, இந்தியா தவிர மற்ற அனைத்து நாடுகளும் ஏற்கனவே அறிவித்துவிட்டன. இன்று ஆஸ்திரேலியா, இந்தியா ஆகிய இரு அணிகளும் இறுதி அணியை அறிவித்தன.
இன்று நள்ளிரவு 12 மணிக்குள் அணி அறிவிக்கப்பட உள்ள நிலையில், இந்திய அணி எப்படி இருக்கும், அதன் அணியில் யாரை சேர்க்கலாம் என்று பல கிரிக்கெட் ஆர்வலர்கள் ஆவலுடன் காத்திருந்தனர்.
சில நிமிடங்களுக்கு முன்பு இந்திய அணி தனது இறுதி அணியை அறிவித்தது. ஆசிய கோப்பை தொடருக்கான இந்திய அணி ஏற்கனவே அறிவிக்கப்பட்டிருந்தது. அதன் பிறகு இந்திய அணியில் ஒரே ஒரு மாற்றம் செய்யப்பட்டுள்ளது.
சர்துல் தாகூர் அணிக்கு தேவையா என்பது குறித்து ஏற்கனவே விவாதங்கள் நடந்தன. இதன் காரணமாக அவர் அணியில் இருந்து நீக்கப்படுவார் என்று எதிர்பார்க்கப்பட்டது, ஆனால் அந்த மாற்றம் நடக்கவில்லை. ஆசிய கோப்பையின் போது காயம் அடைந்த அக்ஷர் படேல் இப்போது அணியில் இருந்து நீக்கப்பட்டுள்ளார்.
இந்திய அணியின் சுழற்பந்து ஜாம்பவான் அஸ்வின், அக்ஸர் படேலுக்கு பதிலாக பலரால் எதிர்பார்க்கப்பட்ட நிலையில், தற்போது இறுதி அணியில் சேர்க்கப்பட்டுள்ளார். 15 பேர் கொண்ட இந்திய அணி விவரம்:.
ரோஹித் சர்மா (கேப்டன்)
ஹர்திக் பாண்டியா (துணை கேப்டன்)
சப்மன் கில்
விராட் கோலி
ஷ்ரேயாஸ் ஐயர்
கே. எல். ராகுல்
ரவீந்திர ஜடேஜா
ஷர்துல் தாகூர்
ஜஸ்பிரித் பும்ரா
முகமது சிராஜ்
குல்தீப் யாதவ்
முகமது ஷமி
ரவிச்சந்திரன் அஸ்வின்
இஷான் கிஷான்
சூர்யகுமார் யாதவ்
2023 டெஸ்ட் சாம்பியன்ஷிப் இறுதிப் போட்டியில் அஸ்வின் விளையாடும் லெவனில் இடம்பெறாதது ஏற்கனவே சர்ச்சையை ஏற்படுத்தியுள்ளது. தற்போது அவர் இந்திய அணியில் இடம்பிடித்துள்ளதை பலரும் வரவேற்கிறார்கள்.