ஜிம்பாப்வே முன்னாள் கேப்டன் ஹீத் ஸ்டிரீக் காலமானார்: வீரர்கள் இரங்கல்

ஹராரே: ஜிம்பாப்வே கிரிக்கெட் ஜாம்பவானும், அந்த அணியின் முன்னாள் கேப்டனுமான ஹீத் ஸ்டிரீக் காலமானார். அவரது மறைவுக்கு இன்னாள், முன்னாள் வீரர்கள் பலர் இரங்கல் தெரிவித்துள்ளனர்.

ஹீத் ஸ்டிரீக், ஜிம்பாப்வே அணிக்காக 1993 முதல் 2005 வரையில் சர்வதேச கிரிக்கெட் போட்டிகளில் விளையாடியுள்ளார். அந்த அணியின் கேப்டனாகவும் அவர் பல போட்டிகளில் விளையாடியுள்ளார். ஓய்வை அறிவித்த பின்னர் ஜிம்பாப்வே அணியின், பயிற்சியாளராகவும் ஸ்டிரீக் பணியாற்றினார். ஜிம்பாப்வே அணிக்காக விளையாடிய வீரர்களில் டெஸ்ட் மற்றும் ஒருநாள் கிரிக்கெட்டில் அதிக விக்கெட்களை கைப்பற்றிய வீரராகவும், அந்த அணியின் ஜாம்பவானாகவும் திகழ்ந்தார் ஹீத் ஸ்டிரீக்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்